ලේඛිකාවන් දෙදෙනෙකුගේ යොවුන් සාහිත්‍ය ආගමනය

ලේඛිකාවන් දෙදෙනෙකුගේ යොවුන් සාහිත්‍ය ආගමනය

15 August 2019 02:14 pm

යොවුන් පරිවර්තන කෘති තුනක් එළිදැක්වීම ඊයේ (14) කොළඹ මහවැලි කේන්ද්‍ර ශ්‍රවණාගාරයේදී පැවැත්විණි.

යොවුන් ලේඛිකා අනුරාධා සංකල්පනී තිඹිරියාගම විසින් පරිවර්තනය කළ 'සුළඟේ ආ නලා හඬ' (නැන්සි ෆෝල්ක්නර්ගේ Mystery of the Limping Stranger කෘතිය) සහ 'සරත් සමයේ හැලුණු පත්' (කැතී කැසිඩිගේ Ginger Snaps කෘතිය) යොවුන් සාහිත්‍ය කෘති දෙක ඊයේ පාඨකයන් අතට පත් කෙරිණි.

අනෙක් කෘතිය 'තමන්ගේ තැන ඉඳන් හිතලා බලන්න' ප්‍රංශ ලේඛිකා ඈන් ලොර් බොන්දුගේ කෘතියේ සිංහල පරිවර්තනයයි. එය සිංහල පරිවර්තනය කළේ ප්‍රකට පරිවර්තන ලේඛිකා සුභාෂිණී චතුරිකා විසිනි.

මෙම කෘති තුනම ප‍‍ාඨකයා අතට පත්වන්නේ අහස ප්‍රකාශන ලෙසිනි.

ප්‍රවීන සාහිත්‍ය විචාරකයන් වන ලියනගේ අමරකීර්ති, චින්තන ධර්මදාස හා කේ.‍කේ. සමන් කුමාර යන විචාරකයෝ මෙහිදී අදහස් දැක්වූහ.

සේයා රූ - අජිත් සෙනෙවිරත්න