දැවෙන විහඟුන් යළිත් රීදී තිරයට

දැවෙන විහඟුන් යළිත් රීදී තිරයට

10 July 2019 01:00 pm

7 වන දෙරණ සිනමා සම්මාන උළෙලේදී වසරේ හොඳම අධ්‍යක්ෂණය, වසරේ හොඳම නිළිය, වසරේ හොඳම සහාය නිළිය, වසරේ හොඳම සහාය නළුවා, වසරේ හොඳම වේෂ නිරූපණ ශිල්පියා ඇතුළු වැඩිම සම්මානයෙන් පිඳුම් ලැබු සංජීව පුෂ්පකුමාර අධ්‍යක්ෂණය කළ “දැවෙන විහඟුන් ” චිත්‍රපටයේ Director’s Cut පිටපත ප්‍රේක්ෂක ඉල්ලීම මත යළිත් ජූලි 12 වැනි සිකුරාදා සිට සීමිත සිනමාහල් කිහිපයක ප්‍රදර්ශනය කිරීමට තීරණය කර  තිබේ. 

දැවෙන විහඟුන් චිත්‍රපටය රීගල් කොළඹ (ප.ව.2.00) , ලිඩෝ බොරැල්ල (දිනපතා ප.ව. 4.15 සහ සිකුරාදා සෙනසුරාදා ඉරිදා යන වල 4.15 සහ ප.ව 7.00) මෙන්ම සැවෝයි ප්‍රිමියර් වැල්වත්ත හෙවත් පැරණි රොක්සි සිනමා ශාලාවේදි (ප.ව.4.15) ප්‍රදර්ශනය වීමට නියමිතව තිබේ. “දැවෙන විහඟුන්” චිත්‍රපටය පසුගියදා නිමාවු 9 වැනි සාක් සිනමා උළෙලේදී හොඳම නිළිය සහ හොඳම සංස්කරණය සඳහා සම්මානද දිනා ගැනීමට සමත්විය.