රුසියාව අනුමත කළ කෝවිඩ්-19 එන්නත පුටින්ගේ දියණියක්ද ලබාගෙන​

රුසියාව අනුමත කළ කෝවිඩ්-19 එන්නත පුටින්ගේ දියණියක්ද ලබාගෙන​

11 August 2020 10:58 pm

රුසියාවේ සෞඛ්‍ය අමාත්‍යංශය විසින් කෝවිඩ්-19 වයිරසයට එරෙහි එන්නතක් අනුමත කළ බව ජනාධිපති ව්ලදිමීර් පුටින් පවසනවා.

ඔහු කියා සිටියේ තමාගේම දියණියක් ද එම එන්නත ලබාගත් බවයි. ඇයට එන්නත ලබාගත් පසු ශරීරයේ සුළු උෂ්ණත්ව ඉහළ යාමේ තත්ත්වයක් දැනුණ ද ඉන්පසු එය යථා තත්ත්වයට පත්වූ බවත් පුටින් කියා සිටියා.

රුසියාවේ ගමලෙයා වසංගත රෝග හා ක්ෂුද්‍ර ජීව විද්‍යා ආයතනය විසින් නිපදවන ලද මෙම එන්නත බුර්දෙන්කෝ හමුදා ශික්ෂණ රෝහලේදී හා සෙචෙනෝෆ් පළමු මොස්කව් වෛද්‍ය විශ්ව විද්‍යාලයේදී මානව පරීක්ෂණයන්ට භාජනය කෙරුණා. ජූනි 18 වනදා 38 දෙනකුගෙන් පරීක්ෂණ ඇරඹි අතර එම සියල්ලන්ටම කෝවිඩ්-19 සඳහා ප්‍රතිශක්තිය ගොඩනැගුණ බවයි රියානු රජය පැවසුවේ.

රුසියාවේ නියෝජ්‍ය අගමැතිණී තත්යානා ගලිකෝවා පවසන්නේ මෙම එන්නත සැප්තැම්බර් මාසයේ සිට සෞඛ්‍ය සේවකයන්ට ලබාදෙන බවයි. මහජනයා සඳහා එළඹෙන ජනවාරියේ සිට ලබාදිය හැකි බවත්, කැමති අයට එය ස්වේච්ඡා පදනමින් ලබාගත හැකි බවත් ඇය කියා සිටියා.

ඇසිදිසි මානය