සිතක සිහිනය

සිතක සිහිනය

3 March 2021 12:00 pm

ඔබේ සිනහව තරු ඇහැරවයි
කොඳ මල් පුබුදුවයි
සුළඟ වෙසින් ඇවිත් රහස් කියයි
ආදර බර හැඟුම් මවයි
රේණු වලින් පිරි
මල් කිනිති හඬවයි

ආදරයට වසඟ වන සිත්
නලියන සිත්
උමතු සිත්
සිතට සිත බැඳෙන විට
සිතක් ළඟ සිතක්
අඬා වැටෙන බව
කවුරුනම් දනීද ?

මේ සිත් මගේ නොවේ
මේ සිත් කාට අයිතිද
මමත් නොදනී ! සිතත් නොදනී !

ඝන අන්දකාරයක
නිවි නිවී දිලි දිලී එළි දැල්වෙන
කණා මැදිරින් වගේ හැම තැනම
සිත් …සිත්…සිත්…

ඉතින් හිතන්න
සංසාරේ පුරාම
කල්පයක් යනතුරු
යුගයක් ඉවර වෙන තුරු
ආත්ම ගණනාවක් ඈතට
ආත්මයක් වත්
වසරක් දෙකක් හෝ
මාසයක් වත්
දිනක්
හෙටක්
පැයක් විතර
විනාඩියක්
එහෙම නම් තව පොඩ්ඩක්, ඩිංගක්, චුට්ටක්, තව ටිකක්
තත්පරයක්
අඩුම වශයෙන් දශමයක් වත් හිතන්න ….

ඉතින් සිතත් අරන් මම යන්නම් ………

- නවරත්න ගමගේ (සංගීත අධ්‍යක්ෂක)

- ලන්ඩන් කවි