විමල්ට ආයෙත් ගණන් වරදී. හතර මිලියන නවසිය හැටදාහ යනු කෝටි හතර හමාරක් ලු !

විමල්ට ආයෙත් ගණන් වරදී. හතර මිලියන නවසිය හැටදාහ යනු කෝටි හතර හමාරක් ලු !

17 October 2019 08:42 am

හතර මිලියන නවසිය හැටහය දහස් දෙසිය හතළිස් හතරක් ( 4,966,244 ) යනු රුපියල් කෝටි හතර හමාරකට වැඩි මුදලක් බව ජාතික නිදහස් පෙරමුණේ නායක විමල් වීරවංශ මහතා ඊයේ (16) ප්‍රකාශ කළේය. 

ඒ, ඊයේ කලාකරුවන් පිරිසක් සමඟ පැවැත්වූ ගෝඨාභය රාජපක්ෂ මහතාට සහාය පළ කරන මාධ්‍ය හමුවකදී සජිත් ප්‍රේමදාස මහතාගේ ප්‍රචාරණ වියදම් පිළිබඳ කරුණු දක්වමිනි. 

"තමුන්නාන්සෙලාට පේනවා මේ අපේක්ෂකයා සරල අල්පේච්ඡ ප්‍රතිරූපයක් මවාගන්න විශාල උත්සාහයක යෙදෙනවා. හැබැයි මේ සරල අපේක්ෂකයා ... අපි ගාව තියෙනවා වාර්තාවක්. මේ තමයි 2015.01.15 දින සිට 2018.12.31 දින දක්වා කාලය තුල රජයේ ආයතනවල සිදුවී ඇතැයි සැලකෙන දූෂණ, වංචා පිළිබඳ සොයා බැලීමේ ජනාධිපති කොමිෂන් සභාව, අවසන් වෙළුම පළමු කාණ්ඩය. 

මේකෙ තියනවා 2016න් පසු විවෘත කරනු ලැබ ඇති ගම්මානවල සමරු ඵලක හෝ ශිලා ඵලක සඳහා මුළු පිරිවැය රුපියල් කෝටි හතර හමාරකට වැඩියි. හතර මිලියන නවසිය හැටහය දහස් දෙසිය හතළිස් හතරක්, ඒ කියන්නෙ කෝටි හතර හමාරකට වැඩියි. ඵලක විතරයි මේ. ගහපු කටවුට් ගැන නෑ මේකෙ. දාපු දැන්වීම් ගැන නෑ. අභියෝග කරනවා පුළුවන් නම් ඔය කියන ඊනියා ගම්මානවල ගෙවල් හදන්න කෝටි කීයක් ගියාද කියලා කියන්න" යනුවෙනුයි ඒ මහතා ප්‍රකාශ කළේ. 

හතර මිලියන නවසිය හැටහය දහස් දෙසිය හතළිස් හතරක් යනු හතළිස් නවලක්ෂ හැටහය දහස් දෙසිය හතළිස් හතරකි. එය කෝටි හතර හමාරක් නොවේ. 

විමල් වීරවංශ මන්ත්‍රීවරයා මීට පෙර දෙකට දෙක කැපුණු විට බිංදුවක් වන බවට සමීකරණයක් ද එළි දැක්වූවෙකි. 

RN