මධුමාදව නිසා ගෝඨාගෙන් ගම්මන්පිලටත් කැපිල්ල. දවස් 5කින් නෝ කෝල් !

මධුමාදව නිසා ගෝඨාගෙන් ගම්මන්පිලටත් කැපිල්ල. දවස් 5කින් නෝ කෝල් !

15 October 2019 06:48 am

පිවිතුරු හෙළ උරුමයේ නායක උදය ගම්මන්පිල මහතා පසුගිය දින පහම තිස්සේ ගෝඨාභය රාජපක්ෂ මහතාව දුරකථනයෙන් සම්බන්ධ කරගැනීමට උත්සාහ දරා ඇතත් ඔහුගේ එකදු ඇමතුමකට හෝ ගෝඨාභය රාජපක්ෂ මහතා කිසිදු ප්‍රතිචාරයක් දක්වා නොමැති බව වාර්තා වේ. 

පොහොට්ටුවේ කඩවත ජන රැළිය සඳහා දෙදෙනාම සහභාගී වී සිටියත් එතැනදී ද කිසිදු පෞද්ගලික කතාබහක යෙදීමට ගෝඨාභය රාජපක්ෂ මහතා ගම්මන්පිලට අවස්ථාවක් ලබා දී නැත. 

ගම්මන්පිල මහතාගේ දෙවැනියා වන මධුමාදව අරවින්ද මහතා නිසා ඇතිවූ සිද්ධිය මෙම විරසකයට මුල්වී ඇති බවයි පොහොට්ටුවේ ආරංචිමාර්ග සඳහන් කළේ. 

මධුමාදව අරවින්ද මහතා විසින් සිදු කළ දැඩි මුස්ලිම් විරෝධී ප්‍රකාශයක් සමාජ මාධ්‍ය ජාල තුළ සංසරණය වීමෙන් අනතුරුව ඔහුට එරෙහිව පියවර ගන්නා ලෙස ගෝඨාගේ ප්‍රධාන නීතීඥ මොහොමඩ් අලි සබ්‍රි මහතාගෙන් දැඩි පීඩනයක් එල්ල වී තිබිණි. ඒ අනුව මධුමාදවව තනතුරුවලින් ඉවත් කෙරුණු අතර ඒ සම්බන්ධයෙන් පොහොට්ටුවේ සිංහල ජාතිකවාදී දේශපාලනඥයින් වෙතින් ගෝඨාට යළිත් පීඩනයක් එල්ල වී ඇත. 

මෙසේ මධුමාදව නිසා දෙපාර්ශ්වයෙන්ම තමන් වෙත පැමිණි බලපෑමෙන් කණස්සල්ලට පත් ගෝඨාභය රාජපක්ෂ මහතා උදය ගම්මන්පිල වෙත ඒ පීඩනය මුදා හරිමින් ඔහු සමඟ සියලු සබඳතා අත්හිටුවා ඇති බවත් ආරංචිමාර්ග සඳහන් කළේය.