අපි කළේ පොහොට්ටුවේ ගමන සැර බාල කරපු එකයි ! - එස්. බී. කියයි

අපි කළේ පොහොට්ටුවේ ගමන සැර බාල කරපු එකයි ! - එස්. බී. කියයි

24 November 2018 03:39 pm

තමන් එකතුවී සිදු කළේ ශ්‍රී ලංකා පොදුජන පෙරමුණේ ගමන සැර බාල කිරීම බව ශ්‍රී ලංකා නිදහස් පක්ෂයේ 16 කණ්ඩායමේ ප්‍රබලයකු වන හිටපු අමාත්‍ය එස්.බී. දිසානායක මහතා ප්‍රකාශ කර තිබේ.

 

එස්.බී. දිසානායක යනු මහින්ද - මෛත්‍රී දේශපාලන දීගයේ මූලික නිර්මාතෘවරයෙකි.

ඒ මහතා මාධ්‍ය සගයකු සමග ප්‍රකාශ කර ඇත්තේ "පොහොට්ටුව ආවෙ මාර ගමනක්. ඒ ආපු ඒම ආවා නම් ලංකාවම පොහොට්ටුවට යට වෙනවා. අපි සීසීකඩ යනවා. මේකෙන් පොහොට්ටුවේ ඒ ගමන අඩාල වුණා" යනුවෙනි.

ජනාධිපති මෛත්‍රීපාල සිරිසේන මහතා සහ මහින්ද රාජපක්ෂ මහතා මධ්‍යස්ථ තැනකට ගෙන ඒම හරහා තමන්ට පොහොට්ටුවේ ගමන සැර බාල කිරීමට හැකිවූ බවයි එස්.බී. දිසානායක මහතා පෙන්වාදී ඇත්තේ.

එහිදී මාධ්‍ය සගයා ලබාදී ඇති පිළිතුර ද අපූරුය.

"කියන්න එපැයි දෙයියනේ. ඕක කලින් කිව්වා නම් අපි කලබල වෙන්නෙ නෑනෙ. අපිත් පැත්තකට වෙලා ඉන්නවානෙ" යනුවෙන් ඔහු එස්.බී. මහතාට ප්‍රකාශ කර ඇත.