සංවර්ධන ලොතරැයි මණ්ඩලයේ හතරවන වෛද්‍ය කඳවුර කුරුණෑගලදී

සංවර්ධන ලොතරැයි මණ්ඩලයේ හතරවන වෛද්‍ය කඳවුර කුරුණෑගලදී

3 September 2019 12:41 pm

සංවර්ධන ලොතරැයි මණ්ඩලය තම අලෙවි නියෝජිත හා අලෙවි සහයක මහත්ම මහත්මීන් වෙනුවෙන් ක්‍රියාත්මක කරන නොමිලේ වෛද්‍ය පහසුකම් ලබාදීමේ වෛද්‍ය කඳවුරු මාලාවේ හතරවන වැඩසටහන කුරුණෑගල දිස්ත්‍රික්කයේදී පසුගිය 25 වැනිදා පැවැත්විණි.

වසරේ දින වැඩිම ගණනක් තම ශරීර සෞඛය ගැන හෝ නොතකා නොයෙක් රෝගාබාධයන්ගෙන් පීඩා විඳිමින් ලොතරැයි අලෙවියෙහි යෙදෙන අලෙවි නියෝජිත, අලෙවි සහයක මහත්ම මහත්මීන් වෙනුවෙන් වෛද්‍ය පරීක්ෂණ හා වෛද්‍ය උපදෙස් සමගින් ඖෂධ ලබාදීම මෙන්ම අක්ෂි පරික්ෂාව සහ ඇස් කණ්නාඩි ලබා දීමද එහිදී සිදුවිය. සංවර්ධන ලොතරැයි මණ්ඩලයේ අලෙවි නියෝජිත සහ අලෙවි සහයක මහත්ම මහත්මීන් 600 කට ආසන්න පිරිසක් මෙම වෛද්‍ය කඳවුර සදහා සහභාගී වූ අතර මෙම වැඩසටහන ඔවුන්ගේ නිරන්තර ප්‍රසංසාවට හා අගයකිරීමට පාත්‍ර විය.

මෙම අවස්ථාව සදහා සංවර්ධන ලොතරැයි මණ්ඩලයේ සභාපති සේන සූරියප්පෙරුම මහතා, සහකාර සාමාන්‍යාධිකාරී විකුණුම් සුනිල් ජයරත්න මහතා, කළාප කළමනාකරු රංග රණතුංග මහතා ඇතුළු පිරිස සහභාගී විය.